Won ich do letschti uf Bsuech gsii bii bim Noldi uf em Chlöpfgatterhoof, isch mer ufgfalle, as är allewyyl s Gsicht so komisch verzieht. Was denn loos syg, han ich ihn gfroggt. Joo, das syg sone Sach. Sit e baar Wuche häig är schuurig der Chischperi. D Frau häig ihm groote, är selli doch bitte Hueschtesaft neh, dä Bälli sygi nümme zum Aaloose. Jetz syg är aber verchoo. Statt Hueschtesaft häig är Apfüehrmittel verwütscht. Jetz häig är no immer der Chischperi, gedrou sich aber nümme z hueschte.
Chlütteri = Durchfall
Chischperi = heiserer Husten
