Iich würdi gärn der Noldi vom Chlöpfgatterhoof in Nazionalroot weele und sünscht niemer. Was mues iich mache, will: D Lyschte 234 isch mit de Lyschte 18, 23 und 348 verbunde und hed en Underlyschteverbiindig mit der Lyschte 958. D Lyschte 93 isch mit de Lyschte 23, 74, 149 verbunde und hed en Under-Underlyschteverbiindig mit der Lyschte 234 und zuesäzlig e ganz wyttunde Underlyschteverbiindig mit der Underhoose-Lyschte. D Lyschte 45 isch mit de Lyschte 104 und 231 verbunde und hed en Under- Nääbe-und Syttelyschteverbiindig mit der Lyschte 501. Und au d Lyschte 492 isch mit de Lyschte 55, 360, 3402 verbunde und hed en Underlyschteverbiindig mit de Lyschte 75 und 773. Do chunnt doch käi me Sou druus. Velicht isch das Chrüüsimüüsi äi Grund, worum über d Hälfti vo de Weeler dehäi blybt. Aber wär wäiss: Woorschyynlig inträssiere d Bolitiker d Weeler gar nit so fescht.
Brattig und Gchees = Durcheinander
