My Frau hed müesen am lingge Fuess oberiert wärde. S Wichtigscht zerscht: S isch alles guet gange. Nummen über äi chlyyni Sach han iich mii e weeni geergered. Iich ha nämmlig mynere Liebschte gsäit, as sii denn die Chnöchli und Chnörppeli, wo der Dokchter iire uusegnäggled, sell häibringe. Erschtens ghöre die iire und zwöitens cha me dervoo e zümftigi Buijong choche. Diir schmökcheds scho – sii isch ooni zrugg choo. He nu so denn. Denn gang iich wie gwoont für die nöchschti Suppe bim Metzger gon es Suppebäi hoole. Das bschiesst allwääg au mee.
gnäggle = umständlich abschneiden
schmökche = ahnen
