Me hets jo gwüsst: Jeede zwöite Fuessgängerstreifen in der Schwyz isch lääbensgföörlig. Inträssant do draa isch jetz, as die vom TCS aanschyynend zum Schluss chömme, as nit der Autifaarer, won e Fussgänger uf em Sträifen überfaart, gföörlig isch. Näi, die groossi Gfoor sy die Dilldappe, wo übere Fuessgängersträife schlaarpe. Richtig. Wo cheeme miir au aane, wenn alli übere Fuessgängersträife wette. Dorum: Müetter mit Chinderwääge, alti Grätti, Schuelchinder, äifach alli selle sich nundefaanen überlegge, öbb sii partuu über d Strooss müese. Oder öbb s nit besser weeri, sii würden äifach dehäi blyybe – zur äigene Sicherhäit!
Dilldapp = Fussgänger
schlaarpe = schleppend gehen
