«Sturm auf den Ständerat», häi syy gsäit, die drei. Mit waas stürme syy ächt? Mit Höigaablen und ere Mischtbänne? Velicht faare sii aber au grööbers Gschütz uuf. Zümfter uus Züri mit Hellebaarde? Sankt Galler Brootwürschtbröötler, wo glüenigi Holzchoolen uuf e Bundesblatz leere? Baaselbieter Rammel, mit Dröschfleegel, marschiere z Bäärn yy? Oder wäi die drei äifach numme leers Strau drösche? Äinewääg. Woorschyynlig chömme doo zimmlig strubi Zytten uuf öis zue. Es wiird sicher dr äint oder ander zümftig Herbschtsturm über s Land zie und es wiird öis e chreftige Wind um d Oore chutte. Numme. Doo stellt sich halt jetz scho d Froog bii däm ville Gstürm: Syy jetz deerigi, wo im Zügs ummestürme, äigedlig Stürmichäibe?
Leers Strau drösche = Belangloses reden
Fleegel oder Süchel = Grobian
