Miir häi öis jo voorgnoo, am Sylveschter nit z gyytig dryy z ligge. Halt wie immer. Nummen öbbis Chlyys zum Ässe. Velicht e Drangsche gräuchte Lachs mit Meerreetig uus em Glaas. Aber halt. Doo foots scho aa. Häit diir öich schon emool überläit, waas daas für e Chrampf isch, früsche Meerreetig z raffle? Dr ganz Daag und woorschyynlig mitere Gaasmasken am Bötsch, äin um dr andere Stoorze duur d Maschiine z loo. Und diir häit öich, ooni lang z überlegge, e güftige Löffel Meerreetig uuf e Lachs gstriche. Meerreetig, wo irgend son en arme Dropf mit Dräänen in den Auge für öich graffled hed. Numme, as diir am Sylveschter, wie gwoont, häit chönne dr Buuch vollschloo.
Äinewääg. Häit es guets 2011 und dänket zwüschenyyne an alli die, wo irgend nöime dr Meerreetig raffle. Danke!
Drangsche = Tranche oder Scheibe
Bötsch = Kopf