Underopsi

Es isch jo Äiniges underopsi wääge däm Virus, wo d Mensche halber lätz macht. Häit dir öich au scho gfroggt, was d FCB Schutti-Hooligans mache? Mit ihre schwarze Kapuze und de schwarze Schääl um die groossi Schnööre würde sy jo beschtens in d Corona-Zytt basse. Verschwunde sy die Brüeli. Aber velicht hets deene au numme d Sprooch verschlaage, wo sy vernoh häi, as ihre Lieblingsveräin langsaam am Verlumpen isch. Oder sy sy emänd nöimen in Quarantäne. Aber scho glyy goht s Schutte wiider loos und denn chönne d Kapuzelööli wiider vom Lääder zieh.

Lätz = verrückt
Lööli = Einfaltspinsel

In Basler Zeitung veröffentlicht | Kommentieren