Döipeli

Scho im Chindergarten isch s Laubholdemichel ufgfalle. Er hed hinderruggs Stöpf verdäilt. Hed d Mäitli an de Hoor zooge und tschupplet oder de Buebe Legostäi versteckt. As Strooff hed er müesen in Döipeliegge stoh. Joo. Dört hed er denn daas gmacht, was er am beschte hed chönne: E suure Schnitz zooge und vor sich aanedöipelet. Aktuelli Byspiil zäige: Isch men emool e Döipeli gsii, bringt me daas au im Alter blööslig me ewägg.

Döipeli = zorniger Mensch
blööslig = kaum

In Basler Zeitung veröffentlicht | Kommentieren