Schlaumäier

Der Dooni hed es chläis Buudeli. Är und drei Aagstellti. Natüürlig hed er in der Coronakryyse au müese Churzarped aamäälde. Soo hed er chönne e huffe Gäld spaare. Das hed er äifach für e Momänt verdrängt, won er der letscht Samschtig d Chinder ins Auti packt hed. «Soo», hed er gsäit, «jetz fahre mer ins Dütsche go yychauffe. Dört isch jo letschtemänd (fascht) alles billiger.» Will der Dooni jon e Schlaumäier isch, hed er vor em Apfahre no schnäll der Chlääber «Kauft in der Region ein» vom Schaufänschter vo sym Buudeli gchnüübled.

letschtemänd= schliesslich
chnüüble = klauben

In Basler Zeitung veröffentlicht | Kommentieren