Z Irland hed men e Muni, wo schwuul gsii isch, welle z doodschloo. Diir frooged öich jetz sicher au, wie men uusefindet, as e Muni e Waarmen isch. Läit me dä uf e Ruggen und chutzeled iin, bis er zuegit, as är äigedlig schwuul syygi? Oder hed me däm aarme Kchäärli aadroot, as men us sym Arpetsgräät e Munifiisel miechi, wenns im Stall nit glyy fürschi giengi. Aber velicht isch au alles anderscht und dä stoober Muni hed äifach gnueg ghaa vo syne Chüe und hed emol öbbis anders wellen usbrobiere. Iich mag iim das ämmel gönne.
chutzele = kitzeln
Munifiisel = Prügelstock aus dem spiralig gewundenen und getrockneten Glied eines Stiers
stoober = verwirrt
Ein Kommentar
Typisch Henry, cheibe luschtig