Völkerball

Ich ha s Marieli wiider äinisch droffe. Mer sy zääme e Zyytlang in die glychi Schuelklass. Wo mer vo früehner rebidiert häi, isch mer ufgfalle, as s Marieli no glyych schüüch isch wie zur Schuelzytt. Ich ha mer lang überläit, worum mys eehemooligi Schuelgspäänli no immer e derewääg schüüch isch. Denn ischs mer yygfalle: S Völkerball isch tschuld. Kanadischi Forscher häi nämmlig uusegfunde, as Völkerball «entmenschlichend» isch. Vor allem d Mäitli wärden in der Durnhallen ummegjaggt und das würkt sich denn au ufs spöötere Lääben uus. Drumm dänkt men au bi öis drüber nooche, Völkerball in de Schuele z verbiete.

rebidiere = erzählen
derewääg = deswegen

In Basler Zeitung veröffentlicht | Kommentieren