Autorenarchiv: Heiner Oberer

Verwunderlig

Scho verwunderlig. Die glyyche Bäizer, wo non em «Lockdown» bim Staat die hohli Hand gmacht häi, will sy ihri Knille häi müese zue haa, wehre sich hütt gege s staatlich verordnete Corona-Zertifikat. Au z Sissech gits son wiiderhoorigi Bäizere. Sii, mit diräktem Droot zum liebe Gott, säit under anderem as Entschuldigung: Me mues numme bätte […]

In Basler Zeitung veröffentlicht | Kommentieren

Chlingle statt dryychle

Äifach. As nit vergässe goht. Lang öb die urchige Freihäits-Dryychler mit ihre chalte Chrummen im Muul in der Gegend ummeläärmidiert häi, hed me bi de Walchizäine z Ziife, bi de Raadschiineschläcker z Sissech und de Chüechlibäärgger z Aarpetschwyyl gchlingled. Nit in wysse Chutteli (Made in China?), sondern in schwarze Chutte. E wyttere Underschiid zu de […]

In Basler Zeitung veröffentlicht | Kommentieren

Botox

Lächerig. Doo schwaafled es Gschüüch mit aagchläppte Wimpere und mit Botox ufgsprüzte Läfzge, wie schäädlich d Impfig gege Corona isch. Will die gueti Frau Botox (Gift) sprüzt, gseien ihri Lippen uus, wie noo 34 Wäschpistiich. Zuedäm bewürkt Botox, as sich d Muskle, in däm Fall d Lääf vo der aagmoolte Gumsle, nümm zäämeziehe und wie […]

In Basler Zeitung veröffentlicht | Kommentieren

Chügeli

Joo. Hätt me numme besser gloost. Gloost uf die sälbschternannte Chügelipreedigerynne und Pseudo-Homöopathe. Sii wüsste, wie s geecht, as dä Coronavirus us öisem Lääbe verschwindet. Schlussemänd hilft gütterle und Sälbschtliebi au gegen e Bälli, Gsüchti oder e Chieri. Also. Gääbet öich e Schupf und näämet Chügeli und lueged in öich yyne, öb der d Sälbschtliebi […]

In Basler Zeitung veröffentlicht | Kommentieren

Soublööd gfroggt

Isch s dumm oder oder äifach nummen unüberläit, wenn son en ungimpfte Laaliburgger der Bundesroot froggt: «Was mache Sii für die Mensche, wo nit der Wääg vom Bundesroot gönge?» Das isch öbbe s glyych Laaferizüüg, wie wenn me der Bunderoot würdi frooge: «Was mache Sii für die Mensche, wo sich s Schmöckschytt an der Windschutzschyybe […]

In Basler Zeitung veröffentlicht | Kommentieren