Bund, Kantön und Gmäinde, Gricht, Bolizei und so wytter syge häimlig privatisiert worde. Soo stohts uf der Baselbieter Websytte von e baar anonyme Verschwörigstheoretiker. Anonym allwääg dorum, will sy sälber nit ganz so sicher syy, was sy doo für Züüg in d Wält uuse posuune. As men ihne schnäller uf e Lyym goht, häi sy für ihri Websytte s Baselbieter Kantonslogo mit em Siibedupf gstohle. He? Daas Logo, vo däm Kanton, wo sy e deerewääg in d Pfanne haue? Scho kumfuusi Lüt, daas.
kumfuus = verwirrt
deerewääg = so, derart
