Jetz isch s bassiert. Öisi Verfassig hed scho glyy käini Fründ me. E Hampfle Mitgliider vom Voorstand vo de «Freunde der Verfassung» – Fründyyne hets aaschyynend käini – häi nämmlig ihre Rückdritt erkläärt. Guet. Öbb die Fründ würklig au richtigi Fründ gsii syy, isch nit ganz klaar. Uf all Fäll syy nene jetz d Fäll dervoogschwumme. Was blybt, syn e baar verhautschti Fääne, rumpfligi Transchbaräänt und stooberi Dryychler, wo nit wüsse, wo aane mit de verbüülte Dryychle.
Der Bättel aanegheie = eine Aufgabe im Unmut hinschmeissen
verhautscht = zerzauste
stoober = verstört
