S isch doch wohr. Me darf efange nüt me. Jetz bitted doch der Papscht im Vatikan d Brieschter und d Nonne, sy söllen uufhöre, Porno z luege. Soo isch s in der mäischtglääsene Sensations-Zyttig vo der Schwyz gstande. Der Papscht waarnt vor de Gfoore, wenn me so Chäppelerszüüg luegi und mäint: Der Döiggeler chunnt vo dört. Numme. Isch s nit esoo. So lang d Brieschter und d Nonne Porno luege, mache sy nüt Dümmers – vor allem d Brieschter. Nääbenyyne: Wohär wäiss der Papscht, was Porno isch und was me dört gseht?
Chäppelerszüüg = Teufelszeug
Döiggeler = Teufel
