Me schetzt, as der Vatikan Vermögenswärt vo 13 Milliarde Euro hed. Drumm cha die Katholischi Chille d Chöschte für d Renovation vo der apbruchryffe Kasärne für d Schyzergaarde au nit elläi überneh. Und drumm sell e Stiftigöbbis an d Bouchöschte vo der 150-jöhrige Underkunft überneh. Au d Allgemäinhäit hätt öbbis selle zahle. Daas hed aber s Stimmvolch im Kanton Luzärn nit goutiert an der Urne wuchtig apgläänt. Velicht settes die Gäischtlige z Rom mit eme Dorffescht uf em Petersblatz brobiere. So wie mes bi öis albe gmacht hed, wenn es Dorf e nöi Durnhalle brucht hed und s Gäld knapp gsii isch.
Am Hungerduech gnaage = Herkunft: Im Mittelalter wurde während der Fastenzeit in den Wochen vor Ostern der Altarraum durch ein Tuch vom übrigen Kirchenraum abgetrennt. Umgangssprachlich: Not leiden.
