«Das isch alles Habakuk», isch as Ditel über emene Täggscht in deere Zyttig gstande. Habakuk? Richtig. Das isch doch der Name vom ene Prophet im alte Teschtamänt. Aber denn bedüted jo Habakuk au no unbruchbars Züüg oder wird abschetzig bruucht für stooberi Mensche oder Dramp-ins-Mues, wie me bi öis im Oberbaselbiet säit. Ich froog my jetz, was dä unschuldig Prophet der Menschhäit z Läid doo hed, as er mit emene Dürlistock vergliche wird.
stoober = verwirrt
Dramp-ins- Mues oder Dürlistock = ungeschickter Mensch
