Öbbis isch klaar: My Stüürberooter mues Näärve wie Drootsäil haa. Jeedes Johr isch nämmlig s glyych Kchummeedi. Allewyyl fehlt yggs e Fötzel, won är bruucht, as är cha d Stüürerkläärig zgrächtem uusfülle. Ich secklen und deelifonier denn daagelang im Züüg umme, bis ich alli vergässene Underlaage zääme haa. My Stüürberooter mahnt my xmool und waarted geduldig, bis ich ihm schlussäntlig alli wichtige Bapyyr gschickt haa. Guet. Er darf jo schon e chlyy waarte. Schlussemäänd macht er myy Stüürzeedel jo nit ganz ummesuscht.
Kchumeedi = Komödie
yggs = irgendein
Stüürzeedel = Steuerklärung
