Das mues jon e Souchrampf syy für die, wo joorelang umme russische Bombelegger gschaarwänzlet syy und jetz müesen erklääre, as er en Uuhund isch. Wohrschyynlig ligge die Gschäftlimacher stundelang wach im Bett und studiere drüber nooche, wie me daas jetz de Lüt verdütted, as men eme Schluufi uufgsässen isch. Oder anderscht gsäit: Wie men am beschte d Suppe, wo me sich yybrockt het, säälber wiider uuslöffled. Numme. E mänge und e mängi, wo sich der lätz Finger verbunde häi, chönne sich scho irgendwie uusereede.
schaarwänzle = hofieren, schmeicheln
Uuhund = grausamer, hartherziger Mann
