Nääben allem anderen Ungmach, wo d Lüt us em Dritt bringt, wäi mer en deere Stell au emool an d Gälterchinder dänke. Die Gmäin, wo langsaam am Verlumpen isch. Wo d Gmäindrööt, wie d Rattmüüs, s sinkend Schiff verlöie. Wo nöi e Fasnächtler in der Regierig hockt. Daas allwääg numme, as d Fasnächtler au in Zuekumft d Konfetti uf der Strooss nit müese sälber zäämewüsche. Und jetz no daas. All drei Schuelläiter, Stuefe Primarschuel, gheie dr Bättel aane. Numme. Dooderfür sy allwääg nit numme die schwindende Finanze tschuld. Velicht sy s au d Öltere, wo alsfott meh besser wüsse, wie me Schuel git, as s Schuelgee langsaam käi Fröid me macht.
Biduures = Bedauern
Rattmuus = Ratte
