Ich bi allergisch uf Seehundfläisch. Drumm verräis ich zum Byspiil nie uf Grönland. Wäge deeren Allergie ischs für mii wichtig, as ich bi allem, won ich yychauff, wäiss, as niene versteckts Seehundfläisch drundergmischlet isch. Aber das klappt jo bi öis wunderbaar. Soo au dienoo, won ich mer es Seckli Walnüss ohni Schaale bsoorggt haa. Dört heds natüürlig käi versteckts Seehundfläisch drinn ghaa. Derfür isch e Hiiwyys uf der Rucksytte vom Seckli gsii, as die, won e Nussallergie häi, wüsse, as in de Nüss Spure vo Nüss chönnti haa.
dienoo = letzthin
bsoorgge = kaufen
