Joo. Hätt me numme besser gloost. Gloost uf die sälbschternannte Chügelipreedigerynne und Pseudo-Homöopathe. Sii wüsste, wie s geecht, as dä Coronavirus us öisem Lääbe verschwindet. Schlussemänd hilft gütterle und Sälbschtliebi au gegen e Bälli, Gsüchti oder e Chieri. Also. Gääbet öich e Schupf und näämet Chügeli und lueged in öich yyne, öb der d Sälbschtliebi findet. Uf d Suechi vo der Liebi zue den andere Mönsche, wo jo nit so wichtig isch, chönned der denn spööter immer no goh.
gütterle = quaksalbern
Bälli = starker Husten
Gsüchti = Gliederschmerzen
Chieri = Nackenstarre
