Lächerig. Doo schwaafled es Gschüüch mit aagchläppte Wimpere und mit Botox ufgsprüzte Läfzge, wie schäädlich d Impfig gege Corona isch. Will die gueti Frau Botox (Gift) sprüzt, gseien ihri Lippen uus, wie noo 34 Wäschpistiich. Zuedäm bewürkt Botox, as sich d Muskle, in däm Fall d Lääf vo der aagmoolte Gumsle, nümm zäämeziehe und wie gleemt syy. Jetz stellt sich d Froog: Verbräitet sich Botox au im Hiirni? Und waas dänken ächt d Chälbli? Die zäige sich unbeyydruckt. Sii wüsse jo: Au d Muetter isch e Chueh.
lächerig = lustig
Gschüüch = junge Frau, die einer Vogelscheuche ähnlich sieht
Läfzge oder Lääf = Lippe
