Er würdi d Massnahme au denn no aplääne, wenn 80 Prozänt vo den Erchrankte an Corona stäärbe würde. Das hed der Sprächer vom Veräin «Freunde der Verfassung» im «Club» vom Schwyzer Fäärnseh die letscht Wuche gsäit. Ahaa. De guet Maa nimmt aso aa, as er bi deene 20 Prozänt weeri, wo dervoo cheemte. Das isch prezyys das, worum die mäischte sälbschternannte Häilsbringen so gschwulle schnattere. Sii sy die, wo überlääbe und denn luege, as alles besser wird. Besser halt, wie sii s gärn hätte.
dervoochoo = überleben
gschwulle = wichtigtuerisch
schnattere = viel schwatzen
