S Röösli, wo scho sit über 30 Johr im «Füechte Zapfe» serviert, isch ganz zum Hüüsli uus. Sy isch ganz zunderopsi, will me jo glyy numme no mit em Covid-Zertifikat in d Bäiz darf. S Röösli macht sich Soorgge, wie me das ächt kontrolliert. Voorsorgglig hed sy sich schon emool für e Kurs in Nookampfusbildig aagmäldet. Setti das denn nüt nütze, hed sy jo non es Vetterligwehr uf em Eschtrig. S Röösli isch also baraat und macht nid lang der Netti, wenn äin ungimpft wett chon e Stange drinke.
D Froog isch: Het s Röösli sälber au es Zertifikat? Oder nummen e Waffeschyyn?
zunderopsi – durcheinander
Vetterligwehr = Ordonnanzwaffen der Schweizerarmee zwischen 1870 und 1890
Der Netti mache = nicht lang Federlesen
