Au das no. D Zyyte wäärden alsfott verrückter. Hed früehner der Fuchs d Gans gstoole, stibyzt er hüttig z Daag Schlappen und Schueh – ämmel z Dornech. Was sy denn das efange für Zueständ? Jetz ernährt sich scho der Fuchs vegetarisch. Fehlt si numme no, as der Reineke mit de soudüüre Sunndigsschlurpe vom Noochber an de Pfoote duur öise Garte schlaarped, uf der Suechi noo Impeeri, für die Junge zytgemäss z fuere.
schlurgge = latschen
schlaarpe = schlurfen
Schlurpe = ausgetretene Schuhe
Impeeri = Himbeere
