Das hed jo müese choo. Jetz mischt sich au no die katholisch Chille bim Impfe gegen Corona dryy. E katholische Chilchheer us Schwyz rooted nämmlig der Juuged im fortpflanzigsfähigen Alter dervoo ap, sich lo z stüpfe. Impfe chönni nämmlig unfruchtbar mache, säit dä guet Maa. Wohäär er das wäiss, isch nit ganz klar. Aber isch s nit esoo. Der äinzig, wo nüt zur Fortpflanzig byydräit, isch jo är säälber – will är bekanntlig im Zölibat läbt. Und. Wenn mer scho derbyy syy. Weers nit gscheiter, die katholischi Chille würdi ihri verschiidene intärne Boustelle (zum Byspill Missbruuch) aagoh, statt über öbbis schwaafle, wo sy jo sälber gar nid dörfte kenne.
Chilchheer = Pfarrer
schwaafle = plaudern
