No äinisch. Nit die, wo der Brunz uuselöie, sy z beduure. Z beduure sy die, wo der Brunz für baari Münze nähme. Das chunnt äim z Sinn, wenn me liist, was d Chuehglogge-Dante vo Gipf-Oberfrick nöischtens für en esoterische Chaabis verzapft. Aber velicht hed sy Rächt, wenn sy geege läärmendi Chueglogge gsii isch. Velicht isch dä Läärm jo würklig schäädlig und schloot äim ufs Gmüeht oder uf s Hirni. Jetz verstoht men au besser, wiesoo die gueti Frau uf so komischi Gedanke chunnt und e Huffen anderi an dä Brunz glaube. Oder anderscht umme gsäit: Jeedi Generation bruucht aaschyynend ihri (irri?) Uriella.
Chaabis = Blödsinn
verzapfe = erzählen, abwertend gemeint