In der Sissecher Begeegnigszoone isch die coronabedingti Maskpflicht uufghoobe. Das vermäldet d Gmäinsverwaltig mit emene üsserscht poetische Zwöizyyler. Maant aber glyychzyttig mit em Zäigfinger: «isch dr Abstand z’nah, leit me d’Maske a.» Ich legg d Maske aber lieber nit z wytt ewägg. Worum? Wenn nämmlig die neechschti Mäldig, verfasst vom gmäiniäigene Baselbieter Mundartdichter oder der gmäiniäigene Baselbieter Mundartdichtere uf s Volch loosgloo wird, ziehn ich d Maske statt übers Muul, über d Auge.
erschröckelig = schrecklich
vermälde = melden
