Ou. Doo hed der Mylle vom Blääsiring rächt gstuunt, won er glääse hed, as uf dr Website vo deere Zyttig e Podcast sett gee, wo häisst: «Los emol». Jä, stäärneföifi. Fönge die bi der Baz jetz no afo Spanisch schwätze oder schryybe, hed nid nummen är sich gfrooggt. Und wie allewyyl hed sy Koleeg, der Schoorsch gwüsst, um was as es goht. «Du bisch doch immer der glyych Tschooli», hed er zum Mylle gsäit bim erschte Bier vorusse, im «Alte Schluuch». Das syygi nit Spanisch, hed er mit Bierschuum am Schnauz zum Mylle gsäit. Das setti allwääg «Loos emool» häisse. «Das wäär denn au richtigs Baaseldytsch, dängg y.»
Mylle (Baaseldytsch) = Emil
Schoorsch (Baaseldytsch) = Georges
Tschooli (Baaseldytsch) = gutmütiger, aber etwas beschränkter Mensch
