Joo. Wiider isch nüt gsii mit richtiger Fasnecht. Mit drummle, pfyffe, bänkle und güggle. Numme. Häi die fasnächtlige Läidlüt bim Druure nit äi wichtigi Gruppe vergässe? Der Homo Blaschtigiensis. Die Spinnchäibe nämmlig, wo in akrobatische Verränkige und doodesmuetige Hächtsprüng no die letschti verpflütteredi Orange vo der Strooss uflääse oder es verdrampts Dääfi under em Waggiswaage fürechnüüble und noonem Cortège (Umzuug) mit volle Blaschtigseck glücklich häimzue gönge. Wie chömme die jetz ohni Orange über d Rundi? Gseht me glyy uusgmerggleti Gstalten in der Stadt ummewanke, wo an Underernährig oder Skorbut lyyde?
Läidlüt = Trauergesellschaft
Homo Blaschtigiensis = der gemeine Plastiksackträger
