Au daas no. Jetz darf me denn im Zug glyy nümm ässe. Schaad. Ich has allewyyl doll gfunde, wenn son e gschniiglets Modeditti ihri Zwüscheverpfläägig füregnoh hed. Wie sy brobiert hed, mit de lange, aagchläppte Fingerneegel der pflüttrig Hamburger us em Kartonschächteli z chnüüble. Und won ere denn, noonem erschte Biss, d Soosse über d Finger aabegloffen und uf e düüre Schüpp dropft isch. No besser ischs worde, wenn die Gumsle d Colabüchse hed wellen ufmache. Daas isch mit dene Fingerneegel fascht nit gange. E richtige Gnuss, daas. Ämmel s Zueluege. Au daas Vergnüegen isch umme. Coronabedingt.
wangschte = gierig herunterschlingen
pflüttrig = matschig
Gumsle = dümmliche Frau
