Joo. Me chönnt au mäine. E soon es Gschyss wäge däm Zmidaagässe vo der Basler Regierig im Wänkehoof. Schliesslig müse die, noodäm sy bschlosse häi, wo und wenn s gmäin Volch wiider darf usswärts ässe, au mangsche. Was halt jetz aber nit alle verstönde: Worum hed me d Verapschiidig vo de schäidende Regierigsrööt nid chönne verschiebe? Soo. Wie zum Byspiil der Chüngelzüchterveräin «Drächtigi Haddle» vo de Schnitzränze. Die fyyre der Apschiid vom Noldi, wo vierzg Johr Kassier gsii isch, erscht denn, wenn wiider meh as fimpf Lüt dörfe zääme syy. Das Gspüri hed z Basel velicht e chly gfehlt.
mangsche = Essen mit Genuss
Haddle = weibliches Kaninchen
Schnitzränze = Übername der Titterter
fimpf = fünf
