Mer häis bis jetz im Griff ghaa. D Frau und ich. S Drenne vom Ghüsel. Jetz chömme die z Sissech vo der Gmäin underäinisch, as men au no der Blaschtig setti separat entsoorgge. Nit gnueg, as me jeedes Jogurtdeckeli apschläckt und as Alu entsoorggt. Die leere Wyyguttere bi Nacht und Nääbel in d Glaassammlig chaared. D Schnääflede uf e Komposcht gheit. D Batterie zrugg in Laade bringt. Und so wytter und so fort. Jetz no Blaschtig. Nit, as das e schlächti Sach weeri. Näi. Was e chlyy Müei macht, isch der Entschäidigsfindigs-Prozäss. De chunnsch fascht nümm zum Choche, will den allewyyl am Wäärwäise bisch, was jetz Blaschtig isch, und was nit.
Ghüsel = Abfall bei Dreschen. Kommt bei uns im Haushalt aber ganz selten vor
Schnääflede = Rüstabfall
wäärwäise = hin und her überlegen
