Es isch schon esoo. Immer wiider cha me vo de Politikerynne und Politiker öbbis lehre. Zum Byspiil vom Bündner Gsundhäitsdiräkter. Dä hed jo letschti voorgschlaage, as me d Underländer, wo in de Bündner Bäärggen in e Schneewächte gfahre oder binääbled vom Barhocker gfalle syy, zrugg in es Spittel in ihre Häimetkanton spediert. Fascht e chly esoo wie bi dene Versandhüüser, wo me d Waar, wo äim nit basst, au äifach umme git. So äifach isch das.
binääbled = leicht angetrunken
Spittel = Spital