Es git se no. D Kämpferyyne und d Kämpfer für Rächt und Freihäit. Au bi de Raadschiineschläcker. Dört hed nämmlig der Gmäindroot beschlosse, as men under anderem in der Fuessgängerzone, wos z Sissech aber gar nit git, ab sofort mues e Masken aalegge. Das gfallt natüürlig nit allne. Vor allem nit deene, wo für Rächt und Freihäit yystönde. Drum häi sy in der Begeegnigszone bi Nacht und Nääbel Fötzel an d Litfass-Süülen aanegchlääbt: «Menschenrechte auch unter freiem Himmel.» Loosed, dir Liebe: Das prezyys sy Menscherächt und das isch Freihäit. As jeede und jeedi cha sääge und chlääbe, was er will – sygs au nummen anonym.
Raadschiineschläcker = Übername für die Sissacher
Fötzel: abgerissenes Stück Papier
