Das hätt sy jetz grad no gfehlt, hed der Noldi vom Chlöpfgatterhof brummlet. Numme wäägene baar düppelhürnige Laaliburgger in der Stadt, wo noonig gmerkt häi, was gschlaage hed, sell men au im Baselbiet d Bäize zuedue. Jetz, wo wiider überall Metzgeten isch. Wo riisigi Bluet-, Lääber- und Brootwürscht über e Dällerrand lampe. Dernääben e Gumpi mit Ziibelesosse. Bäärgge vo Suurchrutt ufdischt wärde. Und ganzi Baadwanne voll Lääderöpfelschnitz baraat stönde. Soo nit, liebe Stedter. D Metzgete löie mir öis nit neh, macht der Noldi klaar.
Düppel = Einfaltspinsel
düppelhürnig = einfältig
Laaliburgger = Dummkopf
