Nummen äi Wunsch hätti, wo im nöi Johr würklig e Sääge weeri, wenn er denn in Erfüllig geechti. Döiet, bevor der öbbis ins Deelefoon dippet und denn in die groossi wytti Wält versändet, s Hirni yyschalte. Ämmel die, wo äis häi. Die, wo käis häi, dörfen ihres Laaferizüüg und ihre Chaabis wytterhyn in der Wältgschicht ummeposuune. Die, won es Hirni häi, aso zum Byspill Politikeryyne und Politiker, sette d Finger nit ständig am Deelefoon haa. Denn müese sy sich, noodäm sy wiider e Brunz uusegloo häi, noochaane nit mit hundert bsunderbaaren Uusreede entschuldige. Danke.
Laaferizüüg = Blödsinn
bsunderbaar = sonderbar
