Soo chunnts halt uuse, wenn alles umsverwoorgge mues günschtig syy. Doo hed me doch würklig bi somene Billigaabieter Lindorchuugele us den USA chönne chauffe. Häi die äigedlig e Knick in der Fichte? Oder ischs ächt eenter esoo, as mer alsfott meh versecklet wäärde. As alsfott meh Äigenutz git, wo öis irgend e Brunz wäi underejuuble. In der Hoffnig, ass miir das Züüg chauffe, wills jo ebe günschtig isch. Fehlt jetz nummen no, as die öis vo äänefer vom Atlantik Moorechöpf – ich mäin die wo Schoggi drummumme häi – schicke.
umsverwoorgge = unbedingt
Knick in der Fichte = Dachschaden
Äigenutz = eigennütziger Mensch
