D Groossmuetter, s Huldi vom Chlöpfgatterhof, hätti so gäärn ihre 80. mit ihre Liebschte gfyyred. Am liebschten im «Rössli» bimene Schwyynsbroote mit emene zümftige Brootrauft in der Soosse, Häärtöpfelstock und Äärpsli und Rüebli. Zum Apschluss vom Ässe und zum Verdaue hätt sy e Chäärschtler gnoo. Halt esoo wie allewyyl. Ihri Schwiigerdochter, s Bethli hed ihren aber vom Reschtaurantbsuech apgroote. In Zytte vo Corona syygis nit rootsaam, as alti Frau under son e Huffe Lüt z goh. D Groossmuetter hed das verstande. Worum aber ihre Dochtermaa uf Dütschland cha go yychauffe, das hed sii nit verstande. Dört häigis doch au e Huffe Lüt, hed die gueti Frau gmäint.
Brootrauft = Brotrinde
Chäärschtler = Kartoffelschnaps
Dochtermaa = Schwiegersohn
