Wie schrybt me jetz das zgrächtem, oder wie me hütte säit: Politisch korrekt? Wie beschrybsch as Kolumnischt gendergrächt e jungi Frau, wo im Zuug käi Maske dräit und d Lüt aazündet, ohni as der es Ruudel Draguuner d Chuttle butzt? As sy dir zum xtemool voorwärfe, es wärdi allewyyl nummen uf de Frauen ummeghackt. Derbyy geebis jo au Manne, wo im Zuug käi Maske drääge und im Züüg umme grööle. Joo, scho. Aber wenn s doch e Frau gsii isch, cha der Kolumnischt doch nit schryybe – numme as d Fraue z friide syy – as im glyyche Zuugsabdäil en Elefant oder es Äichhörnli ohni Gsichtsmaske gsässe syy. Oder?
zgrächtem = richtig
Draguuner = energisch Frau
Chuttle butze = gehörig die Meinung sagen
