Sit über 40 Johr chauffe s Huldi und der Sämi am Frytigmoorgge zäämen yy. Doo dervoo chasen au der Coronavirus nit aphalte – und scho gar nit d Beschränkig uf nume drei Persoone im Metzgerlaade. Au wenn vor em Laade nüün Chunde warte. Die zwöi nääme sich Zytt und wäärwäise, was sy ächt au selle boschte. Sy nääme sich halt d Freihäit uuse, das z mache, wo sy scho allewyyl gmacht häi. Au wenn sich doodrüber e Huffe Lüt uufreege.
Gwooned = Gewohnheit
wäärwäise = hin und her überlegen
