E Däil vo de Döff mache z vill Gragööl – und das reggt e Däil Lüt uf. Cha me jo e chlyy verstoh, wenn me anere Strooss wohnt und Oobe für Oobe deere Läärmichäibe duuresoue. Jetz gits Lüt, wo drüber noochedänke, die z lute Döff z verbiete. Das chunnt natüürlig be dene «Asphalt-Cowboys» nit guet aa. Drum hed jetz son e Döfffahrer e gueti Idee gha, wie me das Gchnorz um e Döffläärm chönnti lööse und in der Zyttig gsäit: «Die Forderung ist eine Frechheit. Die sollen lieber die Velofahrer von der Strasse holen.» Richtig. Die mache schlussemänd au am mäischte Läärm. Mi dunkts, as Döfffahre an der früsche Luft nit allne Hirni guet duet.
Graggöl = Lärm
soue = schnell fahren
