Der Seppedooni hed alsfott mee Gsüchti ghaa. Drumm isch är, uf Aaroote vo syner Frau, zum Dokter gange. Vorhäär hed är aber no müese go röngge. Jetzt sitzt är aso vor em Dokter und loost, was dä verzellt. Underäinisch säit dää: «Ou. D Rönggebilder han ich jo gar noonig. Uf deene würde me guet gseh, wo der Haas im Pfäffer lyt.» Der Seppedooni, wo über dryssg Johr uf em «Drüübel» gwirted hed, hed gstutzt und dänkt: Wenn är, soo wie der Dokter, ohne Mise en Place zmache an d Aarpet gange weeri, häts allwääg nie öbbis zum Zmidaagässe geh.
Gsüchti = Gliederschmerzen
Mise en Place = Baraadmache
