Nämme mer emool aa, en achtjöhrige Bueb vonere Asylantefamilie will mit Spiilgäld e Föifermocke chauffe. Will d Verchäuffere im chlyyne Laaden im Oberbaselbiet no nie Monopoly gspiilt hed, mend sy, dä frömdländisch Bueb well sen aaschmiire und alarmiert d Bolizei. Soo entstoht us eme nütige Flooschiss e Fall vo wältpolitischer Bedütig. Äigedlig e gfundnigs Frässe für die rächte Politikerinne und Politiker, wiider äinisch uf der Bolizei und em Regierigsroot ummezhacke. Nüt doo. Der rächt Flügel isch muggsmüüslistill. Schliesslig isch der Bueb en Usländer. Bi Frömdländische darf, oder besser gsäit, muess d Tschuggerei ebe scho mit groossem Gschütz uffahre.
aaschmiire – betrügen
mende = meinen
muggsmüüslistill = mucksmäuschenstill
