Ich has befürchdet. My Liebschti hed d Zäämesetzspiil-Sammlig vo der Schütti aabegholt. As au richtig batted, hed sy es Zäämesetzi mit 5000 Däil in Aagriff gnoh. Zerscht hed sy aber müesen alli Däili, wo der vercheert Wääg uf em Disch glääge syy, ummdräie. Das hed scho fascht e halbe Daag duuret. Ap denn hangt sy stundelang im Wintergarte über em Zäämesetzspiil. Findet sy es bassends Däili, däilt sy mir das fröidig mit. Böös isch mys Gspuusi nummen äinisch worde. Denn nämmlig, won ich zuenere uuse bii und uf Aahieb drüü bassendi Däili gfunde haa. Siider gang ich nümm zueneren uuse.
Schütti = Dachboden
batte = lohnen
Gspuusi = Ehefrau
siider = seither
