Hoffentlig hets gnueg Waldchnooblech. Jetz, wo d Menschen e huffe Zytt häi, sy nämmlig Tschuppele vo yyfrige Runselesammler in de Wälder underwäggs. Kilowyys schleppe sy das grüene Chrutt häi. Sy chniempen an de Häng umme, will dört wohrschyynlig käi Hund oder e Hüenerschelm aanebrünzlet hed. Fehlt sy numme no, as äin uf d Idee chunnt, me chönnt mit em Mäidröscher in Wald. Uf der andere Sytte häissts ufpasse, as me nit verchunnt und s underäinisch Roonechrutt under em Waldchnooblech hed. Das brennt nämmlig zwöimool. Äinisch bim Ässe und nooneme Rung bim Versüüferen uf em Apdritt.
Waldchooblech; Runsele, Ramsele = Bärlauch
Hüenerschelm = Fuchs
Roonechrutt = Aronstab
Apdritt = Toilette
