D Bäizer bschysse. Nit alli. Aber e Däil dervoo. Im Gämspfäffer hets, statt Fläisch vom Gämsi, Geeder vo der Gäiss und Schööffigs. Öbbs au gschnätzleti Chatzen im Pfäffer ghaa hed, isch nit in der Zyttig gstande. Schmüüselchöch sülchen in dräckige Chuchene in öbbe glyych dräckige Pfannen umme. Bröötle verjäästi Gottlett äifach guet aa und dänken allwääg, as das niemer merkt. Wie hed der verstorbeni Gaschtropabscht Daniel E. Eggli albe gsäit: «Au wenn men e Hundsgaggel baniert, blybts allewyyl e Hundsgaggel.»
Geeder = sehniges, zähes Fleisch
Schööffigs = Schaffleisch
Schmüüsel = Schmutzfink
verjääst = schimmlig
