En Aadler het im Thurgauische es Chatzebuuseli gfrässe. Das goht natüürlig gaar nit. Jetz gits zwoo Möglichkäite. Äntwääder schiesst men alli Aadler ap, die bruuchts jo äinewääg nit. Oder me duet die überdimensionierte Grammisvöögel zu Vegaaner ummerzieh. Was aber gaar nit goht, isch das, wo äin gsäit hed, wo d Büüsi nit so gäärn het: Me sell ihm doch dä Aadler verbyyschicke. In sym Garte häigs nämmlig em Döifel yyne z vill fremdi Katze, wo mordend duur d Strüücher striele.
Grammisvoogel = Wacholderdrossel
äinewääg = sowieso
