Der Noldi hed gmuudered. Drum isch er zum Dokter. Dä hed ihn undersuechet. As är au richtig verstöndi, was ihm feeli, hed der Noldi der Dokter bätte, ihm der Befund schriftlig mitzdäile. Drei Daag spööter isch der Brieff vom Dokter bim Noldi im Brieffchaschte gsii. Der Noldi hed en gwundrig ufgmacht und afo lääse: «Lumbospondylogene-pseudoradikuläre-extraforaminale-elektrophysiologische-Muul- und Chlauesüüchi» oder esoo. Guet. Der Noldi hed allewyyl noonig gwüsst, was em fehlt. Derfür hed er e huffe nöi Fremdwörter kenneglehrt. Alles klaar? Alles klaar!
muudere = kränkeln
gwundrig = neugierig
